Xallar haqqında

Dəridə qara, qəhvəyi, qırmızı və dəri rəngində meydana gələn törəmələrə xalq dilində xal deyilir. Lakin xalların elmi adı nevusdur. Nevusu təşkil edən toxuma növünə görə çoxlu sayda çeçidləri vardı.  Son zamanların elmi araşdırmaları göstərmişdir ki, xallar hər zaman təhlükəsiz olmur. Onların bəzi növləri vardır ki, bədxassəli dəri şişinə çevrilmə pontesiyalı daşıyır. Bu cür xalların zamanında aşkar edilib çarəsinə baxılmazsa gələcəkdə xəstənin ölümünə və ya ciddi lokal destruksiyalara səbəb ola bilər.  Məsələn, anadangəlmə xallar, elmi dildə kongenital nevus olaraq tanınan xalların dərinin ən bədxassəli xərçəngi sayılan melanomaya çevrilmə ehtimalı çox yüksək olduğu üçün zamanında çarəsinə baxılmalıdır.  Bədənində çoxlu sayda xalları olan bəzi insanlar da bədxassəli dəri xərçəngi yaranma nöqteyi-nəzərdən riskli qruplar sayılır. Bu cür xəstələr lazım olduğu təqdirdə həkim nəzarətində olmalıdırlar və profilaktik tədbirlər görməlidirlər. Xəstə özü təbii ki, hansı xalların təhlükəli, hansı xalların təhlükəsiz olduğunu təyin edə bilməz. Ən doğru yol dəridə yeni yaranmış törəmələri dermatoonkologiyada təcrübəsi olan dermatoveneroloqlara müraciət etməkdir. Yuxarıda dermatoveneroloq müayinəsinə gələn çoxlu sayda nevusları olan pasiyenti görə bilərsiniz.